რეფლექსია კვლევის შედეგების გაზიარების შესახებ

სსიპ ქრისტეფორე -ის სახელობის ხაშურის მუნიციპალიტეტის დაბა სურამის N4 საჯარო სკოლაში ჩავატარე პრაქტიკის კვლევა ათასზე მეტი ნატურალური რიცხვების ჩაწერის დროს მოსწავლეთა საგაკვეთილო პროცესში  ჩართულობის ხარისხის გაუმჯობესების გზების კვლევა მათემატიკის გაკვეთილზე

კვლევის მიზანი იყო დაწყებით საფეხურზე გაკვეთილზე მოსწავლეთა და მშობელთა ჩართულობის ხარისხის გაუმჯობესება. მიღებული შედეგი დადებითია და ვთვლიდი, რომ შეიძლებოდა მისი კოლეგებთან გაზიარება.

კვლევა გრძელდებოდა 2016-2017 სასწავლო წლის მანძილზე. მოსწავლეთა  და მშობელთა გამოკითხვა ვაწარმოე ელექტრონული და წერილობითი ფორმით. მოსწავლეებს ვუკავშირდებოდი როუტერის საშუალებით და ბუკში ვუგზავნიდი დავალებას, ხოლო მშობლებს ელექტრონულ ფოსტაზე.მოსწავლეებისთვის საინტერესო იყო განსხვავებულ აქტივობებში მონაწილეობა.

კვლევის შედეგების გაზიარება კოლეგებისთვის არანაკლებ საინტერესო აღმოჩნდა. გამოვიწვიე მათი დაინტერესება როდესაც ვესაუბრე კვლევის დროს გამოყენებული სატესტო დავალებების ტესტის ფორმაზე, კერძოდ მასზე, რომ დავალებები შემთხვევითობის პრინციპით იყო დალაგებული ისე, რომ შემთხვევითი იყო როგორც საკითხთა თანმიმდევრობა და კომპეტენციის მონაცვლეობა, ასევე კოგნიტური დონეებისა თუ დავალებების ტიპების ურთიერთგანლაგება და გავუჩინე სურვილი საკუთარი პრაქტიკის კვლევა განახორციელონ. რა საკითხს აირჩევენ ეს უკვე მათი გადასაწყვეტია.

რაც შეეხება უკუკავშირს, იყო როგორც დადებითი, ისე უარყოფითი დამოკიდებულება, კვლევის მიმართ.დადებითი: სკრინინგულ ტესტში დავალებები განსხვავდებოდა კოგნიტური დონეების მიხედვით: უმრავლესობა დაბალი კოგნიტური დონის იყო ანუ ფაქტობრივიცოდნის დამახსოვრებაზე ორიენტირებული, სხვები–საშუალო კოგნიტური დონის ანუ ცნებებისა და პროცედურების გაგება–გააზრებაზე ორიენტირებული, ხოლო დანარჩენი– მაღალი კოგნიტური დონის ანუ ცოდნის გამოყენებაზე იყო ორიენტირებული.უარყოფითი:   კოლეგების გარკვეულ ნაწილს მიაჩნია, რომ მსგავსი აქტივობები მხოლოდ აფერხებს სასწავლო პროცესს და არ ეხმარება მოსწავლეებს წინსვლაში.

მათთვის ვისთვისაც კვლევის გაზიარება დადებითი იყო, მიიჩნევენ რომ თვითონაც განახორციელებენ საკუთარ პედაგოგიურ პრაქტიკის კვლევას.

                                                                                         ქ.ლომიძე 12/06/2017